1. Munið eftir að slökkva á eldavélinni strax eftir notkun.

2. Takið raftæki úr sambandi þegar þau eru ekki í notkun.

3. Látið skipta strax um skemmdan rafbúnað.

4. Setjið aldrei sterkari peru í lampa en hann er gerður fyrir.

5. Fargið gömlum rafbúnaði sem er farinn að láta á sjá.

6. Reynið ekki að gera það sem aðeins fagmenn ættu að gera.

7. Prófið lekastraumsrofann (bilunarstraumsrofann) nokkrum sinnum á ári.

8. Gætið þess að raftæki sem eiga að vera jarðtengd séu það.

9. Varist að staðsetja ljós of nálægt brennanlegu efni.

10. Gefið gaum að merkingum raftækja.